तुमची आमुची मैत्री
फ़ुलपाखरा सारखी असे
उडता उडता आकशी ते
फूला पानावर बसे
मैत्रीचा अर्थ सांगताना
मोगरा मज आठवतो
वादळे सात आली जरी
तरी टवटवीत बहरतो
मैत्री म्हणजे एक दिवा
तेवत राहातो अखण्ड
विश्वासाचे तेल घालुनी
ज्योत बळावते प्रचंड
मैत्री म्हणजे असतो धडा
राग लोभ आणि मदतीचा
कधी येते कठीण परिक्षा
गुण मिळवावा सोबतीचा
आयुष्याच्या अमर्याद प्रवासाचा
क्षीण कधी जाणवतो
मैत्री सारखे औषध नाही
खचितच उत्साह दुणावतो
समजुन घे त्या मित्राला
त्याच्या अंतर-भावनांना
कधी कृती तुला न भावे
अर्थ तरी उमगतो ना?
gr88 ....
ReplyDelete