विचार

मला तुझी आठवण येत होती

बोलुन जरा हलकं होईल असं वाटंत होतं..

पण काही सांगण्यासारखं उरलंच नव्हतं

मनात नवीन चैतन्य राहिलंच नव्हतं

माझा दिवस चांगला असतो तेव्हां

रात्रीची वाट बघण सोपं असतं

कारण तेव्हां काळ्या आकाशात 

तुझा चंद्रासारखा प्रकाश असतो

मला आज लिहिण्याची मुळीच इच्छा नाही

तुझ्या शिवाय जगण्याची शक्यताच नाही

मला वाटतं तुला कळंत असेलंच

तुला नवीन सांगण्याची गरजंच नाही

तुला सांगतांना मला थोडी भिती वाटते

मला सारखी सारखी तुझीच आठवण येते

कसा सांगू तुला माझ्या मनात आहे काय?

तुझी साथ सुटणं मला सोसवेल काय?